கொடிக்கால் பிள்ளைமார் - சேனையார் வாழ்க்கையும் , மரபும்

பாண்டிய நாட்டில் சேனையார் இன மக்கள் வெற்றிலை கொடிக்கால் பயிரிடுகின்றனர்.இவர்களின் இன பிரிவுகள்

1 . கொடிக்கால் பிள்ளைமார்
2 . கொடிக்கால் முதலியார்
3 . கொடிக்கால் மூப்பனார்
4 . கொடிக்கால் செட்டியார்

என்று அழைக்கப்படுகின்றது .இவ்வினப்பெயர்களுக்கு முன் சேனையார் என்றும் சேர்த்து கொள்கின்றனர் .இவர்களுக்குள் மண உறவும் உண்டு .

வீரபாகு சேனைத்தலைவர்
----------------------------------------------------------
இவர்கள் தங்களை அறுபடை கடவுள் முருகனின் படை தலைவனான வீரபாகு வின் வழி வந்தவர்கள் என்று கூறிக் கொள்கின்றனர் . சேனைக்கு வீரபாகு தலைமை தாங்கி நடத்தியதால் சேனையார் என்ற பட்டத்தையும், பரிசு பொருளாக வேலில் இருந்து கிள்ளிக் கொடுத்த இலைக் கொடியையும் பெற்றனர் .இதுவே சேனையார் இனத்தவர்களால் பயிரடப்பட்டு வந்த வெற்றிலையாகும் .

மதுரை மாவட்டத்தில் பொன்மேனி , சோழவந்தான் , சிந்தாமணி , அய்யனார்புரம் , பனையூர் ஆகிய இடங்களிலும் , நெல்லை மாவட்டத்திலும் , ஆத்தூர் , உடன்குடி பகுதிகளிலும் , இராமநாதபுரம் மாவட்டத்திலும் , திருப்பூவனம் ஆகிய இடங்களிலும் இவ்வின மக்கள் வெற்றிலை கொடிக்கால் பயிரிட்டு வந்துள்ளனர் .

வெற்றிலை கொடிக்கால் பயிரிடுவது என்பது சிரமமான வேலையாகும் .இதை கவனமாகவும் , நுட்பமாகவும் செய்ய வல்லவர்கள் தமிழ்நாட்டு கொடிக்கால் பிள்ளைமார்கள் .

வெற்றிலை பயிருடுவதியே பரம்பரை பரம்பரையாக செய்து வந்த இனத்தார் இன்னும் தமிழ்நாட்டில் இன்றளவும் தமிழ்நாட்டில் அத்தொழிலில் ஈடுபட்டு வருகின்றனர் .
மதுரை மாவட்டத்தில் இன்னும் கொடிக்கால் பிள்ளைமார் என்று அழைக்க பட்டு வருகின்றனர் .

கொடிக்கால் பிள்ளைமார் தவிர கொடிக்கால் மூப்பனார் , இஸ்லாமியரும் கூட வெற்றிலை பயிரிடும் தொழிலில் ஈடுபட்டு வருகின்றனர் .

இலைவாணியப் பாட்டம்
-----------------------------------------
வெற்றிலைக்கு வரி அக்காலத்தில் வெற்றிலை பயிருடுவதற்கும் விற்பனை செய்வதற்கும் வரிகள் விதிக்கப்பட்டிருக்கின்றன .
வெற்றிலை பயிருடுவதற்கு விதிக்கப்பட்ட வரி : இலைகூலம்
வெற்றிலை விற்பதற்கு விதிக்கப்பட்ட வரி : இலைவாணியப் பாட்டம்

இலைவாணிகரும் , கைக்கோளரும்
---------------------------------------------------
புதுவை மாநிலம் வில்லியனூர் கல்வெட்டில் பின்வருமாறு உள்ளது
கி.பி 1542 ஆம் ஆண்டு அச்சுத தேவராயர் ஆட்சியில் இலைவாணிகருக்கும் ( வெற்றிலை வணிகர்கள் ) , கைகொளருக்கும் நடந்த விருது பெயர்களுக்கான சண்டை நடைபெற்றது , இதன் காரணமாக கைக்கோளர்கள் வில்லியனூரை விட்டு அகன்றனர் .
கி.பி 16 ஆம் நூற்றாண்டின் இடைக்காலத்தில் தோன்றிய உரிமை கிளர்ச்சி பற்றிய சாசனத்தால் அக்காலத்தில் வில்லியனூர் இல் இலைவாணிகர்கள் பெருவாரியாக வாழ்ந்தது புலனாகிறது .

சேனையார் வரிவிலக்கு
--------------------------------------
வெற்றிலைக்கு அக்காலத்தில் வரிவிலக்கு அளிக்கப்பட்டிருந்தது .பாண்டிய நாட்டில் வெற்றிலை பயிரிடும் சேனையார் என்ற பிரிவினர் க்கு இவ் வரிவிலக்கு அளிக்கப்பட்டிருந்தது .

தமிழ் நாட்டில் பல மாவட்டங்களில் வெற்றிலை பயிரிட்டு வருவோர் கொடிக்கால் பிள்ளைமார் , கொடிக்கால் மூப்பனார் முதலியோர் ஆவர்.
இவர்கள் பருவகாலங்களில் கொடிக்காலில் விளையும் வெற்றிலையை கிள்ளி அடுக்காகவும் , கட்டாகவும் விற்று வாழ்கின்றனர் .

இத்தகவல்கள் அனைத்தும் தமிழ்நாடு அரசு தொல்பொருள் ஆய்வு துறையால் வெளியிடப்பட்டுள்ளது .

புத்தக பெயர் : வரலாற்றில் வெற்றிலை
ஆண்டு : 1977
வெளியிட்டவர்கள் : தமிழ்நாடு அரசு தொல்பொருள் ஆய்வு துறை, தமிழ்நாடு அரசு

குறிப்பு : என்னிடம் வந்து சண்டை போடும் சில
வெள்ளாளர் பெருமக்களுக்கு இது எதுவும் நான் திரிக்கவில்லை , தமிழ்நாடு அரசை சென்று கேளுங்கள் .இப்புத்தகத்தில் சேனையார் என்றே உள்ளது .என்னிடம் சண்டை போட்டு நேரம் வீணாக்க வேண்டாம் , இது வரை நான் குடுத்த தகவல்கள் அனைத்தும் நீங்கள் எடுக்கும் ஆவணங்களில் இருந்து தான் நாங்களும் எடுத்து பகிர்கிறோம் . நாங்கள் சொல்வது பொய் என்றால் நீங்கள் சொல்வதும் பொய்யாகிவிடும் வெள்ளாளர் உறவுகளே .

சேனைத்தலைவர் பூர்வ சரித்திரம் .
சேனையார் அல்லது சேனைத்தலைவர் வரலாறு மீட்பு குழு.